კალციუმი

ნომერ პირველი მინერალი

        ადამიანის ორგანიზმი საოცრად საინტერესო, მრავალფეროვანი და გონიერი სისტემაა. ყველა უჯრედსა თუ ჰორმონს, ვიტამინსა თუ მინერალს საკუთარი დანიშნულება აქვს. ადამიანის ორგანიზმისთვის ისეთივე აუცილებელია მინერალური ნივთიერებები, როგორც წყალი, ვიტამინები და ენერგეტიკული რესურსი. ვინაიდან  სწორედ მათი დამსახურებით ვიღებთ ორგანოთა აქტიური ფუნქციონირებისთვის საჭირო ძალასა და ენერგიას. 

      სამწუხაროდ ორგანიზმს თავისთავად არც ერთი მინერალის გამომუშავების უნარი არ შესწევს. ისინი საკვებისა და წყლის მეშვეობით ხვდება ჩვენს სხეულში.  ცნობილია მინერალების ორი ტიპი, მაკროელემენტები, რომელიც ადამიანის ორგანიზმს დიდი დოზით სჭირდება:  კალციუმი, ფოსფორი, მაგნიუმი, ნატრიუმი, კალიუმი, ქლორი, გოგირდი. და  მიკროელემენტების ჯგუფი, ესენია: რკინა, მაგნიუმი, სპილენძი, იოდი, თუთია, კობალტი, ფთორი, სელენი.

      დღეს ვისაუბრებთ ნომერ პირველ მინერალზე - კალციუმზე. რომელიც  ორგანიზმში თავისით არ წარმოიქმნება და უნდა მივიღოთ გარედან, რადგან ზუსტად მასზეა დამოკიდებული  ჩვენი ძვლების სიმყარე.

    იმის გამო რომ კალციუმი რთულად შეთვისებადი მინერალია, საკვებიდან მიღებული კალციუმის მხოლოდ 20-30% პროცენტი რჩება ჩვენს ორგანიზმში, მისი დიდი ნაწილი კი უცვლელად გვტოვებს.

              

➤ რა უწყობს ხელს კალციუმის გამოდევნას ორგანიზმიდან?

•      არაბალანსირებული კვება, განსაკუთრებით კალციმით
•      მდიდარი საკვები პროდუქტების ნაკლებობა.
•      კუჭ-ნაწლავის ქრონიკული დაავადებები, 
•      ფარისებრი ჯირკვლის დაავადებები;
•      კლიმაქსური პერიოდი ქალებში
•      ფიზიკური და ემოციური დატვირთვა, აქტივობები.

🔻თავი აარიდეთ გაზიან სასმელებს რადგან ის ხელს უწყობს კალციუმის დიდი რაოდენობით

გამოდევნას ძვლებიდან და ხელს ახალი მარაგის მის შეთვისებას.

🔻გასათვალისწინებელია, რომ მინერალების დეფიციტი ხშირად თავს იჩენს დაუბალანსებელი დიეტის

დაცვის დროს, რადგან მსგავსი დიეტების დროს მთავარი ყურადღება კალორიების რაოდენობის

შემცირებას ექცევა, რის გამოც კალორიებთან ერთად მცირდება სასარგებლო ნივთიერებების რაოდენობა.

         

        კალციუმის დეფიციტისას ორგანიზმი თვითონ იწყებს მარაგის პოვნას და კალციუმი ძვლებიდან,

კბილებიდან, რაც ზრდის ძველბის მოტეხილობის რისკს.

 ➤კალციუმის ნაკლებობის ნიშნებია:

•  ძვლების ზრდის შეფერხება, ოსტეოპოროზი;
•        კბილების სისუსტე;
•        სახსრების ტკივილი;
•        ტერფების მტკივნეული კრუნჩხვები;
•        ძილის ან ვარჯიშის დროს კრუნჩხვითი შეგრძნებები კიდურებში;
•        ხელ-ფეხის დაბუჟება
•        უძილობა;
•        ჩონჩხის ფორმირების დარღვევა (ბავშვებში); 

      ➤პროდუქტები, რომლევბიც ხელს უწყობენ კალციუმის შევსებას:

• ჩაის თესლი;
• თევზი;
• რძე, რძის ნაწარმი;
• ნუში;
• მწვანე ფოთლები (მწვანილები);
• მწვანე ლობიო;
• ფორთოხალი;
• ქინოა;
• რევანდი;
• ქუნჯუთი.

      კალციუმის დიდი დოზით ათვისებისთვის საჭიროა  D ვიტამინის საჭირო დოზის არსებობა . ინფორმაციას მათ ურთიერთობაზე და ზოგადად D ვიტამინზე შემდეგ ოთხშაბათს მოგითხრობთ.